-
Perak peoguir
Perak … peogwir
Lâr din Ploum, perak emaout o ouelañ ?
Peogwir ’m eus poan.
Perak ’teus poan ?
Peogwir on kouezhet.
Perak out kouezhet ?
Peogwir e oa ur brank e-kreiz an hent.
Perak e oa ur brank e-kreiz an hent ?
Peogwir e oa kouezhet eus ur wezenn.
Perak e oa kouezhet eus ur wezenn ?
Peogwir e oa an avel o c’hwezhañ.
Perak e oa an avel o c’hwezhañ ?
Peogwir e oa fuloret.
Perak e oa fuloret an avel ?
Peogwir e oa glav.
Perak e oa glav ?
Peogwir e oa koumoul en oabl.
Perak e oa koumoul en oabl ?
Se, ne oaran ket!
J. M. Salomon
-
Commentaires